我其實都有睇過幾間類似嘅，不過見到Miss Suki Wedding喺網上嘅 comment 都幾好，所以最後就揀咗佢哋。 喺正式開始之前，佢哋都有先了解我哋對影相同化妝嘅要求，會問我哋想要咩感覺或者風格，變相大家一開始已經有共識，溝通都算幾順暢💕。同事俾我嘅感覺都幾專業，令我哋有信心交俾佢哋處理。 試衫方面我印象都幾好，特別係揀西裝嗰陣，同事都好專業，裁縫亦都好親切，會俾到實際意見我哋。我哋揀禮服嘅過程都算快，可以好快搵到啱自己嘅款式。而且佢哋嘅西裝款式都幾多元化，布料質素都唔錯，呢點係有少少驚喜，因為之前都有試過其他公司，對比之下會覺得佢哋質料比較好🌟。 化妝方面，化妝師都幾專業同細心，過程中會逐樣同我確認，例如用咩顏色、用咩款式眼睫毛等等，每一個細節都會俾我自己揀，唔係幫我決定晒，而係引導我揀到最適合自己嘅效果。我覺得同佢嘅溝通都幾足夠，有咩想法都可以直接講，成個過程都幾舒服。 至於攝影方面，我哋本身唔係好習慣影相，但攝影師會主動教我哋動作同方向，令出嚟個效果會自然啲，唔會太生硬。當日整體流程都幾流暢，氣氛亦都輕鬆，唔會覺得有壓力。另外有一點我幾深刻，因為我哋註冊時間比較早，團隊同化妝師都要好早起身過嚟幫我哋準備，真係幾辛苦，但佢哋都好配合我哋時間，呢點我都好感激佢哋🥳。佢哋亦都會提供一啲拍攝地點嘅建議，分享其他新人去過嘅地方，等我哋揀景點時有多啲參考。我覺得成個服務都幾滿意，溝通舒服、流程順利，而且團隊都願意配合我哋需要😆。