我係網上搵到Miss Suki Wedding，因為我好怕煩準備婚禮，所以想搵有一條龍服務嘅公司。同Suki聯絡的過程中，我感受到佢好負責任，對我所有嘅問題都非常耐心，都解決到我嘅問題🥹。Miss Suki Wedding團隊唔會介意我喺返工嘅時候唔可以即刻覆message，又會耐心解釋我唔明白嘅地方，我都覺得好放心。我哋揀咗Big Day 嘅package，攝影師會喺Big Day前同我哋溝通，了解下我哋嘅rundown。當日攝影師同拍片嘅同事表現真係非常出色，佢哋合作得非常好，令我哋可以輕鬆享受拍攝過程。我先生係比較安靜嘅，但攝影師成功地帶動到嗰氣氛同lead住我哋，所以我哋都玩得非常開心，佢又會配合我哋，所以影出來嘅相都好自然👍。我大約一個月就收到曬所有嘅相和片，我覺得啲相跟我哋的期望幾乎係差唔多！

化妝方面，我對化妝師 Suki 嘅表現非常滿意。佢嘅妝容自然又long-lasting💖，喺試妝嘅時候，我已經覺得好滿意！仲有佢幫我先生修眉修得好好💯。 髮型方面，我都有send啲相俾佢睇，佢都有完美咁樣還原出嚟。我覺得Miss Suki Wedding喺禮服方面選擇都多元化，cutting嘅話一啲新啲嘅款都有😍！

Miss Suki Wedding嘅一條龍服務包咗化妝、攝影、禮服同埋大妗姐，我完全唔需要再煩啲細節😍。尤其係大妗姐能夠帶動整個婚禮氣氛，親戚朋友都讚佢，姊妹都話第日想揀佢做大妗姐🥰。我覺得佢講嘅吉利說話唔會太過老土，又能夠迎合年輕人同父母的需求，唔會太old school又唔會太過新潮，做到一個平衡，唔會令到我哋尷尬😝。我仲有book埋媽咪，姊妹同新郎化妝，但喺化妝過程當中，我注意到助手用嘅化妝工具似乎唔係咁乾淨，所以希望呢方面可以改善吓🙏🏻。 

朋友介紹Miss Suki Wedding俾我，我都有睇過網上嘅comment，見到佢哋評價唔錯就搵咗Suki化妝🤗。我覺得佢哋職員嘅服務幾好，studio嘅環境都幾服舒。至於化妝師Suki份人就好nice，佢性格開朗又好傾得，化妝嗰陣主動同我傾計，一邊傾一邊化，等我可以放鬆下心情，無咁緊張😃。我自己鍾意偏自然啲嘅妝，Suki化完出嚟效果都好好，我好滿意😃。佢仲好細心，幫我準備埋頭飾，set得又好靚💐。可能驚相機食妝，Suki幫我化Prewedding個妝會濃少少，影出嚟顯到效果，而Big day就淡啲，for我見屋企人同朋友，大方得體啲👍🏻。

Big day當日，化妝師都好準時到達。Suki就主要係幫我Set頭化妝，另一個化妝師就幫我先生、媽媽同姊妹化，但一開始我先生就覺得個粉底化得有啲白，後來化妝師都幫佢化返滿意嘅膚色，而媽媽同姊妹，出嚟嘅妝都OK，而所有嘢都係時間控制內完成，全部事情順利進行，都滿意😸。Suki全程陪喺我身邊，當我頭髮亂咗就會即刻幫我整返靚，佢又會同攝影師互相合作溝通😃，令我覺得好放心。