Miss Suki Wedding價格清晰透明，網站上有價錢睇到，啲嘢一目了然，俾到信心我，所以我揀咗佢哋👍。同事都好nice，無論我想問多啲資料定再問價錢，佢哋都會好詳細咁解釋，完全冇sell其他嘢。 Suki係一個專業又細心嘅化妝師💯。試妝當日，佢會問我鍾意嘅妝容風格，仲會建議我提供啲相俾佢做參考。每一步都會詳細解釋，令我覺得好舒服。佢又會問我會唔會想突出眼妝或修飾黑眼圈，會唔會有嘢想加，完全尊重我嘅意見！屋企人都話個妝好靚😆。整頭嘅時候，Suki會提我可能會有少少唔舒服，令我有心理準備。試妝之後，我覺得好滿意，所以決定將註冊同擺酒嗰日嘅妝都交俾Suki☺️。 Suki每一步都會清楚解釋，例如上底妝、補濕、準備化眼妝等✨。因為我平時唔化妝，會有啲擔心痴假眼睫毛。不過，Suki幫我整得好自然，仲不斷問我有冇唔舒服或者需唔需要調整，成個過程都令我覺得佢好貼心，好照顧我💖。個妝都好long lasting，當日佢仲幫我手換衫💕！不過，如果公司方面租衫嘅選擇可以多啲就好，咁新人選擇嘅空間會更大😚。至於攝影方面，如果可以早啲告訴我邊位攝影師booking已經滿咗，可能會令我有更多時間去搵其他攝影師😁。