我當時籌備婚禮嘅時候，希望搵一位專業之餘，風格亦比較貼近自己嘅證婚律師。因為證婚當日律師都會入鏡，所以我唔想搵一位感覺太嚴肅或者太老成嘅律師。當時上網睇過幾位證婚律師，最後見到 Jen 嘅形象同感覺比較符合我想要嘅方向。溝通之後，我覺得佢嘅理念同我預期比較接近，所以最後決定揀 Jen 負責我哋嘅證婚。

我同老公一開始想要嘅證婚氣氛係比較溫馨、自然同舒服，而唔係一個太公式化嘅流程。Jen 同我哋溝通時，有提到會了解新人相識嘅經歷、點解會決定結婚等，再將呢啲小故事融入證婚分享入面。我覺得呢個做法幾特別，因為唔係單純完成一個流程，而係令整個儀式更加有個人特色，同我哋想要嘅 vibe 都好接近。

婚禮當日係戶外證婚，而且係冬天晚上喺中環餐廳舉行。到簽署證書環節時，現場光線不足，長輩其實未必睇得清楚張證書。Jen 當時好快就留意到呢個問題，主動同餐廳工作人員溝通，安排增加燈光，令長輩可以清楚完成簽名。呢個細節位令我印象好深刻，因為新人當日其實有好多事情需要處理，未必會留意到現場每一個變化。而 Jen 可以預先或者即時發現問題，再協調其他人幫手解決。另外，我覺得 Jen 事前準備亦做得幾充足。好多流程上可能其他律師會用文件或者訊息交代，但 Jen 會親自同我哋溝通，了解我哋兩個人嘅故事，再設計當日分享嘅內容。我覺得呢個部分令證婚儀式更加貼近我哋自己，而唔係只係講一啲比較表面嘅形容。Jen 會幫我哋發掘一啲更加個人化嘅故事，令當日嘉賓聽完之後，可以更加感受到我哋兩個人之間嘅連繫。

如果要提供改善建議，我覺得有一個小細節可以再優化，就係誓詞提示卡嘅設計。當日讀誓詞嘅時候，因為新人通常都會比較感動，可能會流眼淚，加上化妝、頭紗等因素，有機會睇唔清楚卡上面嘅文字。我自己當時都有遇到呢個情況，所以覺得如果一啲比較重要、需要跟足字眼讀嘅部分，可以考慮將字體再放大，或者設計一個更加方便新人閱讀嘅版本。

整體而言，我同老公對 Jen 嘅證婚服務都非常滿意。無論係當日嘅氣氛、儀式流程、嘉賓反應，定係屋企人事後嘅評價，都符合我哋最初對婚禮嘅期待。Jen 唔只係完成一個證婚流程，而係幫我哋打造一個更加貼近自己故事、有溫度嘅儀式。

最初係喺 IG 見到 Vows & Bows，之後又有朋友介紹，就決定約見佢哋。最打動我哋嘅係證婚人嘅主持 Style，佢把聲好甜美、說話温柔，用字恰當又情感真摯，一聽就知好適合我哋。

第一次聯絡團隊嘅時候，已經感受到佢哋處事認真嘅態度。整個流程講解得好詳細，每當我哋有唔明白嘅地方，佢哋都會耐心解答，逐步 guide 我哋去完成呢個婚禮。婚禮前夕仲特登幫我哋 demo 一次，教我哋要講啲咩、邊啲位要停頓、邊啲位合照等等，令到當日證婚嘅流程更加順暢。

最令我哋印象深刻嘅，係證婚人事前會問我哋嘅相識經過、平日相處同生活方式等等，然後整合咗一段真摯動人嘅文字嚟介紹我哋出場。佢將我哋平淡嘅愛情長跑描述得真實得嚟又唔沉悶，仲有種好幸福嘅感覺，等親友更加了解我哋嘅相愛歷程。證婚當日，佢温柔嘅聲線、恰到好處嘅節奏、動容嘅說話都令在場人士感動不已，我哋睇返相都見到好多人原來有感動到喊。

除咗證婚流程外，我仲問過證婚人其他結婚細節如選婚紗、歌曲等等嘅意見，佢嘅建議都非常實用，幫我解決咗唔少煩惱。另一半都好鍾意證婚人同團隊嘅服務，每個嘉賓都對我哋嘅證婚環節讚不絕口，為婚禮錦上添花。

如果要提一個小建議，就係希望證婚人除咗為新人綵排，都可以為雙方父母進行綵排，因為佢哋都會好緊張，未必清楚流程，有彩排會令整個證婚更加順利。整體嚟講，絕對值得推薦俾大家！