呢間係我太太上網搵嘅，婚紗係佢地自己設計同整出嚟，會因應客人需要微調，而佢哋嘅老闆Kenny係設計師，有比好多唔同嘅建議我哋，態度唔pushy，雖然會比意見，試衫亦有試衫費，但唔會催逼客人。而且Kenny可以揣摩到客人嘅心意，例如我哋講咗喜歡嘅款式佢可以比到好多類似嘅款我哋。 拎衫嗰陣pack得好整齊，每一set用袋入好。還衫嗰陣亦check得好快。我太太著褂嗰陣著嘅紅色打底甩咗色，令件婚紗染咗色。不過Kenny check衫嗰陣十分好，佢望完之後就話洗得甩唔洗賠，佢仲話做得呢行都唔想收呢啲錢，好caring唔會趁機會恰人收錢。