我哋當初會揀Harbour Grand 係因為之前有朋友係個度結婚，見過個場地覺得好grand，盞水晶燈好靚，完全無柱又擺到三十圍。之前都有睇過其他婚宴場地，例如 Conrad, Shangrila, Intercontinental咁，好多都淨係擺到十幾圍，同埋比較過價錢都係覺得Harbour Grand 比較適合。 我好滿意Carol，問佢咩都答，問佢同場地或者rundown 無關既野佢都會答。例如問佢有無相熟既場地怖置，佢都會提供幾間俾我聯絡，有時漏咗野又會提我地。落訂方面，因為平日番工要遲D俾Carol都會等埋我，我想俾AE 又會幫我安排，總之有咩要求都好配合。 Big day 當日overall 都好好，比較驚喜既係本身有兩晚房，其中一晚因為想出門影相靚D所以upgrade咗最高級既房，而另外一晚本來係普通房，但係當日酒店話有空房，就免費幫我upgrade 埋，等我唔駛換房。 Big day 個日有少少誤會就係之前安排咗邊D人食素，但係當日就有一兩個人無素食，不過後來酒店都有送番香檳同埋同客人道歉，都算有有盡力補償。 仲有一樣野幾好既係就算當晚完咗都有包好D野俾我地上房食，仲有微波爐，個service 好好，尾數都無催我地，等到所有野settle曬，成十二點幾我地先俾錢都ok。