我地開頭想搵有落地玻璃，最好就可以望到海景嘅場，同埋係地鐵沿線，唔使再轉車去，所以好快就揀左佢地。新娘房都好大，可以擺到6張麻雀枱，不過就得一個屏風，無換衫嘅位置，用起上黎就有少少唔方便。值得一讚嘅係佢地D staff都幾盡力幫我地解決問題，我自己返shift我先生返9-5，所以好難就到時間上去傾嘢或者睇場，但佢地都好好，會突登約星期六就返我地D時間，另外，audio、電腦、燈光個啲我地都唔識，佢地都有好主動幫手處理。佢地啲野食都好好，賓客comment都話估唔到擺酒都有尼個質素！ 我係wedding expo個陣簽左惜食堂，將D廚餘捐出去，不過到同酒店個邊傾嘅時候，佢地就同我地講可能有D難，因為完左都比較夜，可能要第二日先可以送到出去，就會唔新鮮，但係原來佢地自己本身都有一啲途徑會捐返D用淨嘅食物出去，我覺得好好！

其實當初我哋shortlist咗Habour Grand, The Mira同埋Crowne Plaza。我哋覺得The Mira都幾overpriced，相比起嚟，Harbour Grand就性價比高，裝修同客房都仲係keep得好好。而且Harbour Grand嘅地理位置都幾好，距離地鐵站只係幾分鐘，揸車嘅朋友都方便。所以我哋最終揀咗Habour Grand。 佢哋個Sales--Ally Tai跟得好足，差唔多好似我哋個wedding planner咁，好多嘢仲緊張過我哋，例如time management同agenda等等，都會關心我哋做到咩步驟，真係好上心，真係值得加分！ 我哋嗰日係喺天台行禮，室外個景又真係唔同感覺。而本來之前上面個廣告牌燒咗，不過當日已經維修好，佢哋個天台個環境真係幾靚。當晚啲食物好好食，親戚朋友都大讚。而且啲員工佢對我哋嘅要求都係有求必應，攞杯杯碟碟同埋清潔佢哋都好肯做。不過，我哋有少少唔滿意嘅地方，就係當晚佢哋差唔多十一點嗰陣佢哋就開燈，好似有啲趕收工咁。