因為我同事同Moe本身係朋友嚟，所以佢介紹Moe俾我。我睇完佢Facebook就覺得佢嘅style唔浮誇，走清新路線，好啱我。約咗上去試妝之後，佢就叫我搵定想要咩造型，可以易啲傾。 去到試妝，我覺得佢做嘢好認真，而且都會好認真咁解釋邊啲造型啱或唔啱我。因為我本身比較堅持唔想染髮，鐘意自己黑頭髮，佢就會同我講我本身想揀嗰啲造型如果唔染髮會無咁突出。佢聽完我講之後，試妝嗰時就幫我試下其他造型同埋改少少俾我睇，都好肯聽我意見。 另外，我對眼比較敏感，貼假睫毛就會好易流晒眼水。佢知道之後都有特別小心幫我化眼妝。當日雖然都會流眼水，但都唔算太辛苦。我覺得佢化嘅妝同造型都好OK，喺後來夜晚幫我化嗰時比較慢咗少少。