Moe's Make Up
5
香港九龍觀塘駿業里10號業運工業大廈4樓D8
98207322
最新評論
整體滿意度
5
過濾評語:
Serene Leung
5
精選評論
服務 / 婚宴日期: 2017.06.28      
我好早已經搵咗Moe,因為佢真係好full。

上到去佢studio好乾淨,雖然唔大但好整潔,有一種好自然既style。佢化妝化得好自然,唔會好濃,會盡量加強新娘子嘅優點,化完係可以認得出自己個樣。我本身好怕整假眼睫毛,因為我無一次貼假眼睫毛嘅experience係好嘅,但係Moe係逐條逐條貼上去,超有心機,效果好自然。而且佢效率好好,好快手!

我好記得佢問我易唔易喊,我問係咪唔應該喊,佢話︰「當然唔好忍,你喊喇!我會幫你處理好,我會stand by喺你身邊。」而且因為佢知我好著重同啲guests嘅互動,知我唔會想匿埋好耐化妝換衫,所以佢都好快手。同埋佢比其他化妝師做多一步,就係試妝到big day中間會再約新娘子出來,叫我影低big day著嘅衫,再構思化咩妝,然後同我化多次妝set多次頭,跟手影相留埋record,咁到時佢就算唔記得都會睇返啲相!

Big day之後,我好多朋友都即刻搵佢,佢哋見到我個妝都好有信心,連試妝都唔洗就約佢。佢好有心機,每個新娘big day前一日佢都會買埋頭花,睇返邊啲花靚或者啱新娘性格先買。 閱讀更多
婚禮化妝造型
Dorothy
5
精選評論
服務 / 婚宴日期: 2015.10.28      
因為我同事同Moe本身係朋友嚟,所以佢介紹Moe俾我。我睇完佢Facebook就覺得佢嘅style唔浮誇,走清新路線,好啱我。約咗上去試妝之後,佢就叫我搵定想要咩造型,可以易啲傾。

去到試妝,我覺得佢做嘢好認真,而且都會好認真咁解釋邊啲造型啱或唔啱我。因為我本身比較堅持唔想染髮,鐘意自己黑頭髮,佢就會同我講我本身想揀嗰啲造型如果唔染髮會無咁突出。佢聽完我講之後,試妝嗰時就幫我試下其他造型同埋改少少俾我睇,都好肯聽我意見。

另外,我對眼比較敏感,貼假睫毛就會好易流晒眼水。佢知道之後都有特別小心幫我化眼妝。當日雖然都會流眼水,但都唔算太辛苦。我覺得佢化嘅妝同造型都好OK,喺後來夜晚幫我化嗰時比較慢咗少少。 閱讀更多
婚禮化妝造型
最新優惠
聯絡商戶