因為pre-wedding影得好，所以搵返佢哋影big day。我哋其實上網都做過好多research，另外都有間好鍾意，但係價錢太貴。其實搵返佢吔都有好處，因為佢吔影過，大約都知道佢吔哋影出嚟個效果係啱我哋嘅。當日攝影師 snap shot 係 Andrew，standard shot 係Max，video係小龍。我pre-wedding夾過Andrew，另外兩個都係當日第一次見。 佢哋一嚟到我已經覺得佢哋好nice，even係好早但都好好笑容。朝早接新娘，玩遊戲佢哋都好投入，又會俾意見我哋，例如講愛的宣言嗰時嘅角度。我出門之前臨時想影多幾張相，佢哋都好樂意。而晚宴嘅時候，佢哋都好把握時間，一有空檔都幫我哋兩個影多兩張相。嗰晚佢哋都做到好夜先走，啲賓客都走得七七八八，但佢哋都冇怨言。 Big day相佢哋最快要兩個月先有得睇，video就要三個月，但係睇咗早拍晚播，我已經好鍾意，睇返覺得好感動。最感動嘅shot係媽咪同我講嘢嗰段，佢吔嘅鏡頭同音樂配搭嘅效果好好，我返去睇多幾次都感動到喊，段片好帶動到我嘅情緒。