我哋係喺婚展搵到佢哋，因為我老婆好鍾意Volkswagen嗰架麵包車，佢好細好cute嘅，係古董車嚟。其實好多哋方都有得租，啲公司仲要扮自己有車，查實係搵agency幫佢班架車返嚟！但呢間BUN FUN VAN係自己老細keep咗三四架呢啲車，佢一定俾到車你，唔會好似其他agency咁會俾唔到車你，佢哋承諾咗嘅真係做到俾你！ 佢哋啲員工都好客氣，唔chur嘅，最緊要係有期，你想要邊隻款就俾邊隻款你。架車嚟到同我哋想像中一模一樣，兼且睇實物仲要靚好多。因為睇相你會見佢好cute好復古，但現場睇難免有啲殘，因為始終係古董車，不過呢好raw嘅感覺再加埋佢好cute個樣，我覺得仲靚。我哋連外影都係用佢架車嚟影。 架車內籠好靚好四正，佢哋啲車點解會喺香港咁少有，係因為車房係唔會識得整呢啲車，一定係車主自己識得維修埋，架車先揸到，因為佢結構同一般車都好唔同。司機位係有少少亂嘅感覺，但其他位置都好靚。