其實我對攝影比較執著，搵咗好多好多間公司，都睇過好多好多。其實Terry係我以前上司介紹俾我的，我睇完之後覺得佢嘅風格係我想要嘅，於是就約佢面談，再睇埋佢啲相就決定搵佢！不過其實佢收費都唔平，Out哂我budget。我之前揀過其他，有一個風格我好鍾意，但係佢只係接一年內嘅job。 Terry喺big day前有打過俾我傾rundown，佢係睇完我個rundown之後提議我修改少少會好做啲。我有啲唔滿意就係佢一朝早用咗我好多時間。佢知我冇擇時辰，跟住一朝早就磨咗我好耐，唔知set燈定set咩，喺男仔未上嚟之前嗰段時間，搞咗好耐。我真係唔敢催，我知道啲姐妹有催嘅，同佢哋講：「好似差唔多喇喎！」佢哋話：「得架喇...ok架喇...」之後都影咗一大段時間。我本身預咗11點零12點去到男家，後尾成1點先到男家，爭咗成粒鐘。之後我老公同我講，啲兄弟喺下面等到發哂「吽豆」！其實影完我哋就落去，如果唔係佢講我都唔知，不過覺得佢哋成班啲手腳真係比較「笠」。 結婚之後佢第二/三日就俾咗一疊執好嘅相俾我吊住癮嘅，之後新年前再俾哂啲standard shot俾我嘅，不過諗住新年派相俾人都整唔切喇，因為佢新年前先俾我。不過D snap shot我到而家都仲未收到。前排我都有追過佢，因為都已經好幾個月，我問佢我啲相呢，佢話佢喺外國，就話返嚟盡快俾我。我有個group係同月結婚嘅女仔，都係有啲收到有啲未收到，我見大家都係咁所以都唔急，有啲人仲遲過我，我收到standard shot係快過佢哋嘅。 我覺得佢哋時間真係拿捏得唔係咁好。雖然我冇擇時辰，但都不能夠差咁遠。其實後期啲時間好趕，我化妝師諗住食咗飯，我都叫佢唔好，請佢幫我化埋先，寧願佢之段唔好跟我。好彩化妝師都欣然接受我嘅處理。