我5月結婚，1月嘅時候book咗另一個攝影師影pre-wedding，但係佢甩咗我底，4月頭嘅時候搵咗Terry幫我影相，五月第一個禮拜已經收到曬所有相👍🏼！我哋飛咗去濟州影相，佢影出嚟嘅相好靚，我自己身型比較肥，本身都唔鍾意影相，又少影相，但係佢影相好有心機，會氹我影相！仲會幫我睇下邊一個角度影得靚啲，慢慢等我心情get ready，影十幾幅試到一個靚嘅角度，超有耐性！當日我影咗都有十個鐘，佢話因為我平時少影，所以想幫我影多啲！佢本身包咗幾十張相，我揀多一兩張佢都冇額外收錢，佢叫我唔好揀太多，佢話執嚟冇咩意思，因為最後會畀番曬所有相我，本身影嘅相已經好靚，畀番條link我喺電腦睇。我聽佢話揀咗一幅相曬出嚟做油畫，曬出嚟效果又真係幾靚😍！

Terry Lo係朋友介紹嘅，我鍾意影相比較柔和嘅感覺，但又唔想影到冇乜顏色，唔想調到太白，佢哋柔和得來又有顏色，幾鍾意佢哋嘅風格！Big Day時佢哋每一個人嘅神髓都捕捉到！我之前有同佢哋講過我媽媽好鍾意影相，所以我媽媽都好滿意Terry！有包影相拍片、早拍晚播，仲有一個slide show嘅早拍晚播，條片睇完好感動！佢叫我哋做嘅動作剪接出嚟好靚！如果佢哋啲相畀得快啲就更好，早拍晚播嘅相第二日就畀咗我，但其他相等咗三個幾月先收到，事前話三個月，好似仲有一部分相未收到，有少少慢。其中一樣嘅印象深刻係我臨結婚前先同佢講我想要即日曬相，佢都即時安排到畀我，感覺好好，好抵讚! 👍🏻