Riko係朋友介紹，我太太睇完相之後又試埋妝，覺得啱佢style就決定用佢。太太之前都睇咗十幾間，都做咗好多research，不過真係試就淨係試咗Riko，一試就啱。試妝嗰日我都有陪太太，Riko都好nice好friendly，亦會主動令氣氛舒服啲。試妝當日，佢都同我哋分享咗唔少經驗之談，提醒新娘子有啲咩地方需要留意。 到big day當日，我見Riko同我太太之間互動好好，我都好滿意！嗰日太太同化妝師傾計仲多過同我！我覺得Riko令到我太太當日好放心，呢一點都好重要。我都好滿意太太嘅妝，都係佢想要嘅嘢。同埋Riko手腳都好快，跟足哂客人想要嘅rundown同時間。