其實當時自己皮膚唔係好好，但係佢幫我化完個妝就勁放心。佢會一路化妝一路同我傾計，安撫下我啲情緒。轉妝又快狠準！啲妝好啱我嘅風格～～ set 頭又快又靚~自己又無乜uncomfortable ～～啲賓客都話好靚好靚！

其實佢已經做到超哂班、超乎佢應該要做嘅嘢，佢同佢嘅助手又合作得好好，我啲姊妹都唔洗點樣去幫手。全日都好貼心！！！

我係上網搵左幾間後就去左Riko試妝，試完就揀咗佢。我本身對大細眼好嚴重，Riko只係用咗10分鐘就搞掂我對眼，所以我就決定係佢。 Riko個人好好，好啱傾，搵佢時候態度好好，我好怕Ｄ惡既人。佢set頭嘅質素都好好，試妝時我已經好滿意！不過big day嗰日，我Ｄ屋企人有少少意見，想改改個髮型，Riko都欣然接受。因為我自己冇咩特別嘅想法，所以我比佢自由發揮，Ｄ妝佢幫我決定，我眉心有條坑，之前去台灣影相遮唔到，但Riko就幫到我。Big day個日，我以為自己會不斷喊，所以叫佢睇住我，雖然最後我無點喊，但佢都隨時stand by。 之後我po相上fb，Ｄ人都主動問我幫襯邊個。我個迎賓髮型真係連個攝影師都係咁影！仲有就係，我Ｄ姊妹就算唔係幫襯Riko，佢都會借化妝品比佢地，又會幫我Ｄ姊姊綁埋蝴蝶結Ｄ裙。