Abana Bridal嘅裙款好多又好靚，其實啲婚紗都好靚，但因為我係Blossom Wedding比曬錢租婚紗先嚟呢間，所以都冇辦法，其實睇到Abana Bridal啲婚紗款之後都好後悔。 我睇中嗰條裙其實唔啱我size，雖然已經final fit咗，但我試嗰吓仲有好多位（例如膊頭位）都唔啱。於是我著出去比佢哋睇，講返覺得邊個位唔得，再除出黎俾佢幫我改。由於舖嘅環境係有少少細，有人係出面等緊的話，出嚟照鏡就會見到其他人，感覺就唔係太private。不過都要試完再睇先可以改得啱，所以都無辦法。然後我就係咁改完又著改完又著，都改咗成三四次。雖然好似改咗好多次，但其實佢知我哋趕時間已經係好快手咁幫我哋解決到，真係好helpful！