Abana Bridal啲款係幾靚，但係啲staffs態度就麻麻地，有啲串同會黑面，唔係幾welcoming，俾我既感覺唔係咁好，係confirm左booking之後態度先好少少。最後都揀到兩件自己幾鍾意既，一件迎賓一件送客。衫既質地都ok,唔會話好舊。

仲有一點唔好既就係試身時間方面佢要我去就佢地既空檔。即係佢突然有時段空左出黎就會一個鐘頭之前叫我上去試，但係我住元朗佢地公司係上環，我出去都要個幾鐘，如果我個個時段唔得既話佢地唔會俾另一個時段我。所以再俾我揀多次我既話唔會揀呢間😓

Abana Bridal 係朋友介紹畀我嘅，我哋上去試衫覺得好靚，有個牌子嘅婚紗係佢哋獨家代理，其他地方唔會租到，所以就揀咗呢個牌子😎我到第二次試衫先決定揀佢哋，一開始唔知有啲咩款式啱自己，佢哋畀咗好多建議，問左好多問題去幫我揀，話我知有啲款式著上身時搽lotion感覺會冇咁痛。我啱啱揀完款式無幾耐，距離我big day仲有一段日子，不過可以無限轉款，嚟緊佢哋會有新嘅婚紗，之後我會再去睇下 😉 結婚前一個月佢哋會hold起件婚紗，呢方面我都幾滿意。不過佢哋晚裝選擇方面比較少，應該係專注做婚紗，所以我有可能揀唔啱而要去其他地方租晚裝，會麻煩少少。