我太太搵婚禮攝錄嘅時候比較過好多間唔同嘅公司，睇到HW Motion，就發現Henry嘅拍攝手法好岩我地。不論係剪接定配樂個啲嘅風格係比較簡單而且剪接位都做得smooth。我地一睇就已經好鍾意，所以就揀尼間公司。一開頭上去同佢傾就已經覺得大家係一拍即合，整個溝通過程都好舒服，我地講嘅野就已經係Henry佢地鍾意嘅野！除咗聽我哋講，佢地都有俾返好多意見我哋，感覺好friendly。 我地有D朋友分享過覺得結婚當日拍嘢嘅過程好急，但係我哋就無遇到呢個情況。Henry佢地都好就我地，無催我地，反而係一直跟住，係側邊配合返我地去影，佢主動配合我地多過要我地配合佢地哋拍攝。成個團隊都好nice，接新娘個嗰時可能我哋企D位角度唔好，佢地都會好細聲咁提一提我地就返個位，亦都同另外一間負責影相嘅公司溝通得好好，好融洽。因為我地係酒店出門，證婚係另一個地方，擺酒又係另一個地方，要走幾個地方都已經好攰，但係睇得出Henry佢地仲好精神、好活潑、好開心，真係好犀利！佢地真係好好，我無咩可以挑剔！