認識HW Motion主要係有朋友用過，自己之後上網睇過佢哋嘅片覺得佢哋嘅風格同自己都夾，就打電話去了解多啲。接電話嘅Henry態度都好nice，樂於解答問題同埋唔會hard sell。嗰次喺電話度我都問咗佢好多嘢，佢都好詳細咁解答。我聽埋佢報價之後都覺得OK，所以其實傾完電話我已經落咗訂，先約第一次見面。見到面都係再傾返啲細節，同埋了解多啲我哋想要啲咩，佢哋就再去安排。我主要係請佢哋幫手做早拍晚播嘅video同埋錄晚宴嘅片段，影相我就再搵咗另一間公司。 當日佢哋有2個人黎到，準時同好nice，而且感覺專業。我覺得佢哋真係影到好令人感動嘅感覺，捕捉到每個真摰時刻！我哋睇早拍晚播條片大家睇完都覺好感動。連一啲當日黎唔到嘅朋友睇返我哋段片都話好感動，有流眼淚！ 後來佢哋就用個盒寄返啲片俾我，個盒都好靚，而且佢哋好細心，裡面仲放咗張thank you card。我覺得如果可以將嗰日拍過啲片，尤其晚宴時間嗰啲未剪接片段都可以俾埋我哋就更好！因為當晚晚宴時間自己都好忙，行出行入都唔多喺度，如果可以知道返晚宴嗰時係點感覺就更完整。不過我都知正常都唔會有剪接，所以只係一個小建議，而且佢哋嘅剪接真係做得好好，想捕捉感人一刻搵佢哋真係無錯。