我係尖東薈度擺酒，但佢地一開始個陣就要我買餐前小食package。我最後要咗3set，每set 50人，total150人。但係之後我其實揀咗最貴既package，而因為係最貴既menu係應該唔洗再買餐前小食，不過我地係未訂package前一早已經簽咗啲餐前小食，所以都無得揀話唔要！我覺得啲服務都係正常既，但逼我要餐前小食呢樣就唔係咁好，買咗成萬五蚊，我覺得真係唔值。我奶奶因為呢樣嘢都唔係好開心，唯有盡量改餐前小食裡面嘅小小野，例如我唔鍾意食salad就叫佢轉春卷～ 另外，佢地deco同燈光都要再比錢....我明白啲deco要比錢再做都唔出奇，人名都會唔同，但連燈光同音響都要再加錢就真係唔明！結果除咗酒席，我用咗兩萬幾蚊落呢啲無謂野度，覺得俾人焗我比錢咁。不過佢地係新裝修咗，場地方面係唔錯又幾闊落～但因為佢地要落地底basement２層先到，所以傳統啲既人可能會覺得唔好意頭，「要落下面」。野食方面我啲朋友都話ok既、足料。最後就係如果啲menu再豐富啲就好～