因為我本身喺Club One做，有員工價，就都決定搵返佢地。地點方面，我本身啲朋友多係九龍，但屋企人就多係新界，所以就揀咗尖東ClubOne，算係搵返個九龍人同新界人嘅中間點。 開頭我地都好忙，好快揀完咩餐，就無再點follow up，都係到最後嗰一個月先firm 哂所有野，時間上都好急。不過最後都比我地預期好，佢地都好專業咁serve，講解得好清楚好詳細，無話自己人就馬虎咗～ 場地方面，開頭雙方家長知道係喺地牢都唔係好中意，但係後來我地同佢地一齊睇完個場都覺得好乾淨，同埋好光猛，所以都OK～另外，我地包哂成個場就有哂兩間新娘房，big day嗰晚姊妹同埋媽咪去補妝就好方便，唔使逼埋一齊。我地擺咗16圍，都唔會迫，幾舒服。 當晚我地好忙，所以啲食物我地自己就無食過，聽返feedback就話一般般⋯⋯不過我地本身rundown delay左，再加埋我先生有surprise想俾我，但係佢又無同個啲人夾過，所以就變左有個餸凍左D。佢地都有做到啲應變，雖然嗰道菜凍咗啲但都算有保持住個溫度，呢方面算處理得幾好。

我係尖東薈度擺酒，但佢地一開始個陣就要我買餐前小食package。我最後要咗3set，每set 50人，total150人。但係之後我其實揀咗最貴既package，而因為係最貴既menu係應該唔洗再買餐前小食，不過我地係未訂package前一早已經簽咗啲餐前小食，所以都無得揀話唔要！我覺得啲服務都係正常既，但逼我要餐前小食呢樣就唔係咁好，買咗成萬五蚊，我覺得真係唔值。我奶奶因為呢樣嘢都唔係好開心，唯有盡量改餐前小食裡面嘅小小野，例如我唔鍾意食salad就叫佢轉春卷～ 另外，佢地deco同燈光都要再比錢....我明白啲deco要比錢再做都唔出奇，人名都會唔同，但連燈光同音響都要再加錢就真係唔明！結果除咗酒席，我用咗兩萬幾蚊落呢啲無謂野度，覺得俾人焗我比錢咁。不過佢地係新裝修咗，場地方面係唔錯又幾闊落～但因為佢地要落地底basement２層先到，所以傳統啲既人可能會覺得唔好意頭，「要落下面」。野食方面我啲朋友都話ok既、足料。最後就係如果啲menu再豐富啲就好～