本身我地想喺香港影，但係quote過好多間，個價錢都幾貴，唔係好competitive。 後來見到有人推介Ocean Wedding，我就approch佢地去問價，發覺原來overseas 仲平過係香港影，價錢好吸引！我地上去第一個meeting , 佢地態度非常之好，甚至photographer 會主動同我地見面，聽下我地 expectation 係啲咩。我地都有見過其他公司，佢地都係搵啲admin、 sales，而唔會係個photographer同我地傾，所以我地覺得佢好有誠意！👍🏻

仲有佢地好有熱誠，唔似出面嗰啲求其應下你。佢會主動提返我地幾時影相，係邊度影，有咩安排等等。我地有選擇困難嘅時候，佢又會俾啲建議，或者俾返以前啲相嘅reference俾我地睇。 佢有個recommendation 係幾好，建議我地俾多幾百蚊係香港嘅影樓影一輯相先。雖然要俾錢，但係佢都講得岩，因為以前從來都無影過pre wedding，係要practice 下，同埋佢會搵返真係去影pre wedding 時嘅攝影師同化妝師，咁就可以試到出黎個效果，再tune返正，咁我覺得呢個係真係有幫助👏🏼！

我地有係Ocean Wedding度租衫，都係average standard, 我家姐同一時間都有喺第二間影pre wedding ,但佢啲衫又有樹枝呀石仔咁，但我呢邊就完全無呢個問題，啲衫全部係乾乾淨淨😌 化妝師都比我想像中好，因為之前影香港studio有一個試嘅經驗，知道有咩好有咩唔好，咁我都覺得比起我第一次影嘅時間，佢真係進步左同埋了解我多左😆 除左化妝、set頭，或照顧我男朋友化妝，各樣野都做得好好。佢又會早幾日提下你記住敷下mask，要飲多啲水，帶暖包，真係好貼心💕 攝影師都比我想像中好好多，好impress我嘅一個地方係我嗰日其實daddy mammy有經過，佢仲幫埋我屋企人影相，一家人影張大合照！其他攝影師如果要就埋人地schedule，可能會覺得好annoying，但係呢位攝影師就好有耐性。有一段時間，我地係個好大嘅公園，我屋企人搵唔到我，佢又幫我拍段片，send俾我屋企人，話俾佢地聽我地exactly係邊到。攝影技巧就唔使講喇，都係好滿意👍🏻！其實嗰日有落雪，佢趴哂喺雪地度同我地影相，都好辛苦，所以我都好欣賞佢！ 影完相嘅第二日，佢就已經send返一啲highlights 俾我地，好快手，大概2-30張相😍 以我所知，佢地都繼續喺日本度影相，未再同我傾之後係點。整體我好滿意佢地！👍🏻