天澄閣嘅場地冇柱，性價比幾高，同埋呢間係做開擺酒，佢哋嘅員工非常專業，對rundown等所有嘢都好熟悉，我無需要擔心任何嘢，已安排好晒！Whatsapp問佢哋員工問題，都會即時覆我。佢哋有專門負責technical嘅員工，幫我播片、播音樂。但佢哋地理位置麻麻，雖然附近有地鐵站，但係唔容易搵到位置，唔係乜乜酒店，聽個名未必知喺邊。我有試過菜，婚禮完咗賓客都有同我講幾好食！因為婚禮當日我冇乜點食嘢，佢哋員工會pack返啲食物畀我。本身個package有包住宿，但我冇要到，佢哋會減返錢畀我哋，同埋惠顧滿指定酒席會送多啲嘢。