我鍾意係Decollte 嘅team係全部日本人，可以提供日本人結婚著嘅傳統服裝，而唔係好似香港其他公司提供嘅和服，所以我最鍾意嘅係佢哋嘅服裝！我哋主要係用英文同佢哋email溝通，佢哋間公司喺大阪神戶嗰邊，我哋有講過話想去京都影竹林，但佢哋話嗰邊好多遊客，所以佢哋建議我哋去一個日本嘅Garden影相。拍攝當日佢哋有包一個講普通話嘅翻譯，日本嗰邊幫我set頭set得好仔細，同香港好唔同！我拍攝時頭髮有啲短，好難set得好睇，但日本嗰邊整得好靚！我哋想影到自然、cool cool地嘅效果，攝影師係一個好funny嘅人，成個過程好開心。雖然套和服好重，成套有6 kg，移動好唔方便，但佢哋職員會喺側邊搒住我，幫我拎嘢。我哋亦有影婚紗相，但西式婚紗選擇我覺得冇香港嗰邊咁靚，可能日本人口味同香港人唔同，會有好公主feel嘅蛋糕裙，但都揀到款式。