我婚展上搵到佢哋，我先生想去日本影相，佢哋有好多地點畀我哋揀，我想影街景，最後揀咗去神戶影。去之前佢哋有一份問卷要我填咗交畀佢哋，問曬我所有問題，但係影完後我覺得日本人同香港人嘅審美角度唔一樣，可能佢哋比較簡單自然，但我想再華麗啲。佢哋影出嚟全部都係中長距離，冇一張近鏡，我影完返到去睇相先知，但已經冇得返轉頭😞。但擺酒一定要有一幅油畫係半身照，後來揀相我問佢可唔可以cut，佢都有幫我哋做，但cut完個解像度唔係咁好。影相構圖好靚，唔使執已經好靚，光線好OK，但全部都係遠距離。最後幅油畫個size畀我想像中細，我以為係一個standard嘅size放門口油畫，所以我冇專登去度。去到婚禮當日放幅油畫上去先發現原來幾細，顯得個相架好大。日本人嘅標準同我哋唔一樣，佢哋嘅淡妝真係好淡，要同佢哋講重手啲。

我鍾意係Decollte 嘅team係全部日本人，可以提供日本人結婚著嘅傳統服裝，而唔係好似香港其他公司提供嘅和服，所以我最鍾意嘅係佢哋嘅服裝！我哋主要係用英文同佢哋email溝通，佢哋間公司喺大阪神戶嗰邊，我哋有講過話想去京都影竹林，但佢哋話嗰邊好多遊客，所以佢哋建議我哋去一個日本嘅Garden影相。拍攝當日佢哋有包一個講普通話嘅翻譯，日本嗰邊幫我set頭set得好仔細，同香港好唔同！我拍攝時頭髮有啲短，好難set得好睇，但日本嗰邊整得好靚！我哋想影到自然、cool cool地嘅效果，攝影師係一個好funny嘅人，成個過程好開心。雖然套和服好重，成套有6 kg，移動好唔方便，但佢哋職員會喺側邊搒住我，幫我拎嘢。我哋亦有影婚紗相，但西式婚紗選擇我覺得冇香港嗰邊咁靚，可能日本人口味同香港人唔同，會有好公主feel嘅蛋糕裙，但都揀到款式。