Terry Lo係朋友介紹嘅，我鍾意影相比較柔和嘅感覺，但又唔想影到冇乜顏色，唔想調到太白，佢哋柔和得來又有顏色，幾鍾意佢哋嘅風格！Big Day時佢哋每一個人嘅神髓都捕捉到！我之前有同佢哋講過我媽媽好鍾意影相，所以我媽媽都好滿意Terry！有包影相拍片、早拍晚播，仲有一個slide show嘅早拍晚播，條片睇完好感動！佢叫我哋做嘅動作剪接出嚟好靚！如果佢哋啲相畀得快啲就更好，早拍晚播嘅相第二日就畀咗我，但其他相等咗三個幾月先收到，事前話三個月，好似仲有一部分相未收到，有少少慢。其中一樣嘅印象深刻係我臨結婚前先同佢講我想要即日曬相，佢都即時安排到畀我，感覺好好，好抵讚! 👍🏻