我地想揀尖沙嘴既酒店黎擺酒，所以最後揀咗美麗華。跟我地個個manager Ada比較資深,好有經驗好熟手。成個接洽過程都好順利，耐唔耐佢地就會主動問我地有無咩特別意見，會盡量配合我地。試菜個陣本來淨係預備咗六人份量俾我地試，但係我媽咪驚賓客唔夠飽，想試真啲，咁Ada都肯安排十二人份量俾我地試，都幾貼心😀。個場地方面有啲遺憾既係L字型令到部分賓客睇唔太清楚個台，但係我地要擺成36圍咁多所以都無計。當晚既staffs控制時間，rundown個啲都唔錯，啲賓客都好滿意個安排。另外我地都book咗個戶外證婚場地，佢本身係露天酒吧黎既，我地就日頭book咗黎證婚，都滿意既👍🏼