我地既big day係Mira出門同擺酒，好方便，啲物資可以擺曬係酒店唔係搬黎搬去。我知酒店好似係兩年前翻新過，所以好新淨。我鍾意佢地既ballroom同function room唔係同一個場，ballroom既感覺明顯grand好多。樓底高、有大水晶燈、舞台夠大夠高🥳。另一個選擇Mira既原因係佢地既新娘房有獨立toilet, 換衫既地方夠闊落，我同太太同時係間房入面換衫都夠位。當晚Mira既同事又好幫得手👍🏼👍🏼，尤其係assistant manager Kubby，我地擺酒既時候正值社會運動，所以都好擔心係唔係減圍數或者延後，而Kubby係俾我地揀呢啲options。因為我地淨係想擺十圍，所以最後Kubby減左我地minimum charge。酒店仲搵左一個女仔幫手跟住新娘執頭執尾。當晚既食物質素唔錯😋，而且好明顯地酒店既待應同helpers既衣著比酒樓既企理整齊得多。同埋酒樓啲姐姐好鍾意係埋單既時候明示暗示要俾tips，好肉酸🙄而酒店就真係講明唔洗俾tips👍🏼，比較識做。但係我真係滿意佢地既服務，所以最後都主動俾左😬加上尖沙嘴呢個位置真係無得輸，親戚朋友出席、泊車都好方便。不過有個扣分位係酒店送左big day既婚車接送服務俾我地，本身講好左係先由酒店接我地去教堂，但司機竟然去錯左教堂等我地！嚇死我！好彩最後有驚無險，淨係遲左少少到。🤧

美麗華酒店嘅經理Eva好上心，都好幫到我哋。揀證婚嘅蛋糕嗰陣我就send咗我想要嘅雲石款俾佢睇，佢都做到出嚟，食物方面又好好食，賓客都勁讚👍🏻。服務都好好，會有個妹妹跟身喺當日幫我手☺️。