我係喺Facebook做資料搜集嘅時候見到Rosy Decor嘅，就已經覺得佢哋嘅decoration都好靚，係我哋鍾意嘅款😍。之後去到婚展就第一次approach佢哋，見到佢哋擺出嚟嘅實物都唔錯，同佢哋溝通嘅過程好舒服，唔會hard sell。可能我就咁拋個idea出嚟，同佢講我大概想要點嘅效果，再另外加啲嘢咁，佢都可以即場有啲構思同俾返啲suggestion我，令到個backdrop更加似我哋想要嘅嘢，大家交換idea come出嚟嘅結果都覺得好適合我哋🥰。同埋佢哋都解釋得好清楚詳細，例如個backdrop有啲顏色，我問會唔會好淺色，佢都會解釋返俾我聽同俾返其他客人嘅相俾我望望，咁就清晰好多啦。最後比較咗好多間都覺得佢哋特別同personal啲，所以就揀咗佢哋，全場嘅decoration，reception，main backdrop同second backdrop都交俾佢哋負責啦。討論期間佢哋俾圖我哋嘅速度都合理，叫佢哋改嘢佢哋都唔會嫌煩，好有心幫我哋改。去到big day嗰日佢哋都早咗好多去準備，因為我哋係6點鐘證婚，酒店嗰邊就要5點先交到場，我哋4點半都有remind佢哋睇下幾時到，但原來佢哋啲同事已經一早到咗，已經同酒店嗰邊溝通咗set定啲簡單嘅嘢😆。最後出嚟嘅效果我哋都好滿意啊，賓客都有讚啲deco好靚，尤其係個second backdrop好特別。佢哋好專業，問佢嘅意見佢都可以即時覆，又會聽我哋意見，我哋第一次上佢哋office傾嘅時候，佢哋都已經畫咗幾個草圖可以俾我哋選擇下，有晒準備咁好好👍🏻。不過佢哋indoor嘅deco會比較多啲，如果可以接多啲outdoor就可以做得更好啦。我都會推薦佢哋俾其他朋友，整deco方面比較迷茫嘅新人就最適合佢哋啦，因為佢哋比較專業，就可以俾到好多意見啦🤓。