我地同時間對比緊幾間公司嘅，個時未咁早落決定，因為我地覺得普通電話問價嘅時候唔會有好大分別🤭但後來係整個過程當中，覺得The Stage係好不厭其煩咁答我地問題，我地好多嘢都好唔清楚，又怕臨時有咩加加減減😢所以都問咗唔少嘢，但佢哋嘅服務態度一直都好好😎係正式影之前我地出來見面，我一開始都有諗影嘅時候會唔會好尷尬㗎🙈但見完面之後覺得佢好nice好親切，傾嘅過程大家熟咗，正式影嘅時候就變到好friend，擺pose各樣都變得好自然～～成個過程我都好樂在其中嘅🥳睇番相都覺得好接近我同先生想要嘅嘢，因為我先生要求都算高，連佢都滿意嘅話，咁我自然係覺得好啦😆睇得出The Stage嘅攝影師係傾嘅時候係get到我地想要咩，即使我地要嘅嘢可能都幾抽象，佢地甚至會比意見我地，睇下點影會更加好👍🏼總括而言，過程開心、效果又達到，好滿意！