The Stage
4.8
香港九龍荔枝角荔枝角長順街7號西頓中心12樓1206室
3583 5007 WhatsApp:9488 4894
套餐詳情
UK/Mel/Paris/Prague
海外
HK$ 39800
HK/Macau Pre-wedding
本地
HK$ 17000
Wedding day Service
本地
HK$ 21800
最新評論
整體滿意度
4.8
過濾評語:
DonnaTam
5
精選評論
服務 / 婚宴日期: 2018.09.25      
我地初頭淨係諗住搵Kenneth 影 Big day,不過後尾再揀pre wedding嗰時睇佢地同另外一間,見另外一間就係超級貴,所以就搵左Kenneth影埋pre wedding。

我地睇完佢D相,佢影夜景好靚,我先生都識影相,都有同我講話夜景係最難影,如果影得好,就真係好勁!而且我地覺得佢捕捉人個神緒同埋啲燈光都控制得好好,所以我地都好信任佢。

開頭佢地都有遊說我地去布拉格,但係我地睇完D相,覺得完全唔係我地style,又城堡又公主feel咁。之後我地問問吓,先知原來嗰度得澳門咁大,變左個個都喺最common嗰啲地方影,我地就更加覺得布拉格唔啱我地,唔想影得咁樣版式。同埋我地本身真係好鐘意日本,一年最少都會去一兩次,而且我地係真係會行富士山個啲,所以就好想去東京同埋影富士山度影相。

我地問Kenneth有無去過東京影,原來佢係從來都無去過,只係去過京都個啲。對我地黎講其實佢無去過係好事黎,因為我地都覺得如果以前影過,個攝影師就未必有新意,反而去啲佢未過嘅地方,佢就會更加認真咁去諗要點樣set先影得最靚!

去到日本嗰邊,我地就負責包哂食宿同埋plan,我老公就揸車。佢幫我地搵左個幫開明星化妝嘅化妝師一齊去,啲妝我都好滿意。四日三夜裡面,我地唔係影相就係食野,又晚晚都去浸溫泉,成班人都好好玩,真係好開心!我地要求個啲野,佢地都做到,又會帶動到氣氛,令到我地成個過程都好開心,似旅行多過去做野!

啲相出到黎效果真係好靚,我地都好多朋友話靚到似poster咁!連Kenneth自己都話我地其中一張夜景係佢影過第二張最靚嘅相! 閱讀更多
Prewedding婚紗攝影
Sharoneuy
5
精選評論
服務 / 婚宴日期: 2015.06.28      
我去咗兩年婚紗展,一直有留意The Stage,覺得佢最outstanding。因為所有嘢都愈嚟愈貴,亦覺得差唔多時候,所以第三年就搵咗佢哋幫我哋影相。佢俾我嘅感覺喺好舒服,又喺我鐘意嘅style,加上望到個booth第一下已經好吸引我,喺我夢想嘅style。因為指定Kenneth要加3000,我男朋友當時有啲猶豫,但其實我留意The Stage三年就喺為咗搵Kenneth影!不過好彩,Kenneth一定影overseas,所以就可以免咗呢筆錢,嗰下直情乜都唔諗即刻俾咗錢!

我要求嘅所有嘢佢有盡量配合我,例如我想要哂所有softcopy,而唔要其他簽名簿同相簿,淨喺要咗油畫,佢幫我哋㩒完機之後,仲比原來個價錢平咗!我同佢哋講,我留意咗佢哋好耐,喺佢哋fans,仲拎返3年嚟儲嚟嘅leaflet俾佢睇。佢見我咁留意佢哋,就算因為過咗會展冇優惠價,都有俾返個promotion俾我哋。

由買package到上機大概半年,我提出咩問題Ruby都答到我,每次亦有溫馨提示remind我帶嘢等等,亦好快回覆我,所以都十分欣賞佢哋。我哋傾流程嘅時候,Kenneth不停問我哋意見,但因為我哋對呢個地方冇乜concept,淨喺知好浪漫,於是佢就提議咗好多地方俾我哋。佢話,佢哋不時發掘下新地方,講返唔同地方用唔同角度會有咩效果等等,睇得出佢哋準備做得好充足!例如聖母院嘅後花園,因為我淨喺知前院喺鎖橋,完全唔知個後花園可以咁靚!

佢哋當時喺巴黎,俾咗酒店地址我哋,然後我哋就帶哂所有嘢去搵佢哋。因為我喺中途插入去,去咗巴黎第二日先join佢哋,不過唔難搵,因為佢哋間酒店好近地鐵站。由於巴黎日落好晏嘅關係,所以我哋一點先開始集合。另外,佢哋有個當地好熟悉嘅司機,報咗價俾我哋,費用由我哋負責。

當日仲有一個化妝師,一個男助手同一個女助手,成隊crew total 4個人。化妝師好似叫阿May。我發現Kenneth真喺好專注於影相!當時不時有遊客行過,佢就好耐心等佢哋參觀完景點,或者讓人地影咗相先到我哋。我哋一啲都唔介意,因為冇話邊個先到先得,亦冇理由影婚紗相就大哂,所以覺得佢好大方!而且,影到咁上下,佢就會提議俾其他人影相先,因為見到好多人等緊,而我哋就可以趁機飲水同休息下。另外,當日出發前Kenneth收到消息凱旋門塞車,所以就取消咗,我覺得佢好當機立斷,唔會夾硬去影,因為可能會浪費好多時間。

負責打燈嘅男助手阿Tong,佢同Kenneth好有默契,令我對呢間公司有信心好多!而且佢成日幫我拉裙,所以好感激佢!

揀相方面,因為我曾經喺婚展抽獎可以喺另一間公司免費曬兩張相,但喺就有限期。我特登拜托The Stage幫我快少少執好其中兩張相,其餘就慢慢執,最後佢三日就俾返嗰兩張相我 ,令我可以如期去換相!呢方面覺得佢哋好貼心,可以盡量配合到我!

雖然除咗softcopy之外淨喺拎咗油畫,但結果都十分滿意!一打開bubble紙,兩眼即刻發光,因為真喺好靚好靚!!我揀咗喺聖母院一個側門影嘅相,冇諗過咁靚同埋咁高質素!因為我喺studio睇張相覺得冇乜特別,所以冇諗過油畫可以靚成咁。

最後,其實我真喺冇咩可以挑剔Kenneth。好多謝佢咁用心用力達到我哋嘅要求。另外,我睇得出佢對其他客人都喺咁俾心機,因為佢同我分享過同其他客人相處嘅經歷,例如有客人好鐘意換衫,換咗六套,佢亦好願意去等,會好用心應乎客人嘅各種要求。我覺得唔洗用口講或者點樣上網寫,只要幫襯過,就會知道Kenneth佢幾用心做嘢,所以我冇後悔過幫襯佢哋! 閱讀更多
Prewedding婚紗攝影
聯絡資料
3583 5007 WhatsApp:9488 4894
info@the-stage.com.hk
最新優惠
聯絡商戶