我係Paper Moon果度搞左一個大約係20幾個人嘅小型婚禮，咁就係戶外簽紙然後入返室內食lunch。因為疫情關係我地就諗住擺酒就之後先補返，先搞一個簡單嘅簽紙儀式然後食餐飯，淨係請屋企人見證下，盡量從簡。🧐咁我都唔想大家要走兩個地方，所以見Paper Moon可以分室外證婚，室內食飯，就覺得可以一個地方搞晒幾好，而且佢個景觀唔錯、價錢合理於是就揀咗佢哋。😉雖然我係冇包場嘅，但係餐廳都有間一個area比我，一開始佢地建議係偏向尾嘅位置近返證婚果度，但後來我希望係中間位光猛d，咁餐廳都照幫我安排到。😇大部分我提出嘅要求餐廳都唔會拒絕，而且Event嘅同事都好幫得手，回覆得好快，本身果陣政策係只能比20人係一個area，所以就安排左另外幾個人係簽紙嘅時候留係室內地方睇，不過個位置都好近外邊嘅，只係隔住塊玻璃咁解，最終我地20幾個人都可以好flexible咁處理。😎由於唔係包場啦，所以餐廳有其他客人嘅，咁餐廳就會盡量安排其他客人係活動進行期間坐遠少少，等完event先安排新入嘅客人坐返去附近。至於lunch方面，我地係set lunch冇特別order菜式，咁我地會預先問定賓客要咩，mark係個seating plan度，咁餐廳就會跟住seating plan派返個set比對應嘅賓客。賓客都覺得好好食而且好夠食，另一半都好滿意。👍🏼而Decoration方面其實Paper Moon都唔會點限制我地，好多都係好open比我地整，indoor outdoor都okay嘅。😬諗起當初疫情好唔stable，啲政策轉來轉去，都係多得Paper Moon嘅Candice幫我諗plan b，就算改期都好好商量，所以真係好感恩可以係疫情下順利進行。🥺