我join咗Vision嘅pre wedding攝影，效果都幾好，於是之後都回頭再join big day。😎對比其他公司，我覺得佢哋嘅相唔會重味精、執到好勁，睇落都係自然嘅，而style都好符合我想要嘅嘢。😬我同過攝影師Billy傾，雖然佢有啲cool但係都好樂意答問題嘅。🙈我個package入面係包攝影師、化妝師同埋婚紗，化妝師係公司安排嘅冇試妝，至於婚紗店就係佢哋好似有3間合作嘅公司，咁我哋睇過相之後可以自行決定要邊間嘅衫。😉拍攝當日都有啲小插曲，都係溝通上出現問題。我唔知原來影相嘅studio同原本上去傾嘅studio係唔同嘅，到我搞清楚件事、去返啱個studio都delay咗半個鐘。😪我哋都唔想話發脾氣搞到影得唔開心，但始終大家都feel到有hard feeling同少少尷尬。不過依個情況係lunch之後就冇咗啦，因為攝影師都好專業，大家都慢慢放開咗。🤝Billy會定時比啲相我睇，等我心入面有個譜，可以適時調整。😊我當日去左貝澳、迪欣湖同機場跑道影，本身貝澳只係影便服，但因為我都想影下婚紗，所以就先婚紗後便服，咁佢哋都好好照比我著婚紗影一陣先。我覺得攝影團隊都好好商量，唔會有不滿，啲相都係靚嘅。✨至於化妝師會定時定候幫我轉妝同髮型，唔會一個髮型影足咁多個景。💖至於big day當日，2P1V陣容再鼎盛啲，氣氛就當然再好啲。🤣佢哋會講好多吉利說話，同埋有時我哋唔知道斟茶detail嘅流程，佢哋都會帶住我哋。😚所以整體來講都係唔錯嘅，公司都好配合到我嘅要求，而且回覆都好快！