Vision Wedding and Production
4
最新評語
整體滿意度
4
過濾評語:
Yolky
0
精選評論
Big Day 過去了一個月,終於抽到時間打評語 邊一間都可以唔打/遲D打 但Vision 一定要打,唔係因為佢好,係因為佢太衰!
上年7月暑假,我上去佢地Studio傾 當初係比佢地Facebook既廣告吸引 日系得黎好似又唔太多P圖 所以上去傾個時,一併確認埋Big Day都搵佢影 (講到呢到都覺得自己係衝動左..…

Big Day 過去了一個月,終於抽到時間打評語 邊一間都可以唔打/遲D打 但Vision 一定要打,唔係因為佢好,係因為佢太衰!

上年7月暑假,我上去佢地Studio傾 當初係比佢地Facebook既廣告吸引 日系得黎好似又唔太多P圖 所以上去傾個時,一併確認埋Big Day都搵佢影 (講到呢到都覺得自己係衝動左...) 上去傾都叫有講有笑,但比完錢之後好似180度轉變態度咁。我係今年3月19號影PW既,影完之後,果斷決定轉攝影師! 本身見到佢價錢都偏貴既,但真係好鍾意佢影既style 由落訂到就影個陣都係我地主動聯絡佢,無論schedule 又好,問化妝師意見又好 可能佢忙啦,本身想臨影前再約上去傾,但最後佢不斷遊說我地視像算,就係咁靠個半個鐘既視像會議。

就到我地影個日, 當日約左我8:30上去化妝,但個攝影師真係出發時間即11點先蒲頭,上黎拎返自己啲野就同我地講搞掂就落去等,本身個化妝師都麻麻地,係咁話我啲眼睫毛同頭髮無力好難整,所以都整左好耐。 事前傾好話租車出去再比返車錢同油錢,出發先知原來佢自己揸車仲收左我地成千蚊。

好啦到影相,可以話途中無交流咁制,我呢啲無乜點影過相,初初都唔係好慣,佢地又講到好似我唔肯笑咁, 同我講手臂可以幫你P但笑容無得P架。 準備左啲道具又係求其影兩張就話影左好多啦唔想影咁,我地一共影左三個地點,獅子會、球場、山頂,獅子會都算影得最多,但我地比左三千出黎set deco但竟然無叫過我地坐低影返幅相,係我地主動要求先影。之後到食飯都係完全佢地有佢地行,好似唔係好想交流咁連拖裙都從來無幫過我,件婚紗走位又無講。 所謂既攝影助手都係一味拎住部機影,無照顧過我。球場都影得ok。 但去到山頂直頭覺得佢地好似唔熟景點咁但呢啲明明係熱門野應該係成日影,求其搵棵樹就叫我地行埋去影,影出黎完全認唔到係山頂,都算。 最火滾就係我影完哂相,當時著住哂晚裝,啲野又未整理好, 佢直接丟低我地係婚紗鋪樓下,叫我地自己上去還衫,當時真係覺得自己好似比人趕出屋企咁,臨走上車我有問過, 可唔可以比我換左衫先,當時佢地話唔使啦,返去換乾淨d。

睇返出黎啲相都係一般唔算太靚。夜景啲相係完全唔要得。 好辛苦先揀到50張出黎做精修。 佢Prewedding既Package包埋相簿、簽名布、油畫,我原以為係執完相先再揀相放落去,點知佢執完直接排埋相簿,可以將兩張差唔多既相放埋一頁真係好專業。排版最後我地自己排完比佢照跟,仲要執相執到我隻手成個機械人咁,成品到左又無通知,求其丟係Reception 地下叫我地自己拎。返去相簿有問題拎起重整,佢叫我地自己上印刷公司拎返,我都覺得自己好好忍耐力,因為都比左訂,所以諗住好來好去,忍埋Big Day,但求正正常常就算。

又係同之前一樣,好辛苦先約到佢本人,佢話全部都係得視像,唔會見真人,但佢同事可以真人同我傾? 到傾個陣佢態度都好差,我知道Big Day 當日係需要比早費同的士錢既,最後佢話要包來回,因為部即影即有好重,覺得唔合理同佢嘈左幾句,佢就一句得埋黎 「如果您地覺得唔合理,就唔需要比回程喔😉 $100唔係啲咩錢」 聽到呢句我真係火都黎,最後佢就話驚負評退錢比我算。

Prewedding婚紗攝影
更多優質選項
攝影
4.8
攝影
4
攝影
4.6
攝影
4.2
攝影
4
攝影
4.6
攝影
0
攝影
4.4
攝影
4.6
攝影
4.3
攝影
4.8
攝影
4.8
攝影
4.8
攝影
3.9
婚紗禮服/媽媽衫
4.7
證婚服務
0
最新優惠
聯絡商戶