La'more對比其他公司優勝嘅地方係職員用心嘅態度，佢哋好多都好友善。佢哋會比好多意見客人，但係好肯定唔會亂sell，而係根據我嘅身型、膚色推介唔同款式比我。😌尤其係一直follow我case嘅Angel，我自己一開始又唔知自己啱啲咩，只係好簡單同佢講希望簡單、大體同顯瘦，雖然好似好虛無飄渺但係佢哋都可以介紹到我鍾意嘅款式比我。😍我老公呢就比較圓潤，係出面好難租到衫，係La'more款式多、size多所以先可以試到。 Angel每次都好親力親為serve我哋，我老公扣唔到鈕，佢會想盡辦法幫佢處理。佢哋最好嘅係為咗客人滿意、開心，專誠幫客人訂新款式。一般來講大size禮服都係深色為主，但係我老公想試新嘢，Angel就專登幫我哋訂套灰色嘅衫，😳又幫我哋襯埋婚紗，可以見到對於客人嘅要求佢都可以好完美咁安排。我老公每次上去都會大讚Angel，話佢好take care客人，fulfill到客人要求。😉 除左比意見同額外訂衫之外，佢好樂意遷就我哋試衫嘅時間，比我哋好大彈性。佢真係做每一件事都好細心，客人講低嘅說話都會mark低。🤓除左職員好之外，公司政策都係好人性化，疫情期間我哋改期都無收到額外費用，其他新人可以放心啦！