其實啱啱開始我都係周圍搵周圍睇Facebook同上網睇評價，我而都會喺 Bespoke婚享會睇之前啲新人用過嘅評價，見之前啲新人都用得好好, 好開心特別係D相都好靚我就決定幫襯喇。 😊我好記得上去佢哋舖位嘅時候見到裡邊真係好多衫，係超多衫！真係超多選擇！而當時招呼我果位Melody真係非常之Pro！🥰

Melody當我好似朋友咁serve我，唔會push我唔會hard sell呢一點真係應該讚！因為之前去過好幾間婚紗鋪明明就試唔啱，佢哋都會諸多留難係咁留低你要你睇多啲，但係 La’More Wedding就真係唔會，佢哋好俾空間你，又會問清楚你嘅要求，唔會亂咁塞啲衫俾你試。🤩

成個試衫過程都好愉快，大家有傾有講唔會有壓迫感。記得Melody知道我唔想煩都儘量幫我搵埋姊妹同媽咪衫，始終真係覺得大家好夾同埋產品好fit所以就一次過決定同一個地方租曬所有衫喇。 特別要提嘅就係我final fit係fit到 Big Day之前嗰日，而到我攞衫嘅時候佢哋真係做到Perfect Fit！😚

老公話靚，所有賓客都話靚而我自己都覺得出嚟效果非常得！真係好多謝 La’More Wedding 幫我！另外不得不提，疫情下搞婚禮好多vendor都未必一定會完全配合，但係La’More Wedding 知道我要改期，其實當時我連改咩嘢日子都唔知，佢哋都二話不說就話免費改，叫我唔洗擔心☺️！呢一點我到呢一刻都仲記得，好嘅vendor真係要讚，真心感激🙌🏼！

最後都希望La’More Wedding可以不斷擴大，因為佢哋真係太好生意好明顯好多客人但係人手有少少唔夠，所以呢間咁好嘅公司我真心希望佢哋可以越做越大，鋪頭越搬越大！