我哋喺婚紗展認識到Fantasy Concept，聽完佢哋講解Package，覺得價錢合理😄，明碼實價，而且介紹得好Friendly🥰又唔會Hard sell，所以睇多幾間之後，最後都係搵咗佢哋幫我哋影Pre-Wedding 同 Big Day，一條龍服務😉。而家暫時我哋只係用咗佢哋Pre-wedding嘅服務。

我本身鍾意海同自然風，所以我揀咗去山頂,1881同石澳到影Pre-wedding🤩。本身諗住去中環摩天輪到影嘅，但攝影前Fantasy Concept建議我哋去1881到影，因為多啲位影靚相📸。去到當日，我都好驚喜原來1881嘅商場酒店上面可以影Pre-wedding，覺得個安排都唔錯！👍去石澳拍攝時，搭車途中Fantasy Concept攝影團隊咁啱見到花景，就即刻叫咗我哋落車影相，我哋親友見到呢張花景相都覺得好靚！🥰 另外，我仲記得影緊相時Fantasy Concept 攝影師會常日講笑，搞氣氛引我哋笑，例如我哋影山頂時坐咗喺石邊，佢就講笑話：「捉實啲呀！之前有人試過跌落去呀！」，跟著我哋就大笑😆，啲相影出嚟效果真係會見到我哋最自然個一面🥰。除咗講吓笑，佢哋仲會係我哋影石澳時溫馨提示我哋小心石頭，真係好好👍。

揀相時，佢哋會先比哂啲相我哋揀先，完全冇Push我哋，唔會俾壓力我哋，比足夠空間時間我哋慢慢揀相！我哋覺得Fantasy Concept好好，超專業！💯相簿未出拎到時，佢哋俾咗啲電腦相，我哋即刻將相變咗做頭像相😁！ 我哋真係好推介俾其他新人用佢哋影Pre-wedding相，真係價錢好合理同無額外收費㗎😁如果佢哋係IG到介紹多啲Package內容嘅野，就更加好了～ 😉