我喺社交平台搵拍攝公司，見到Fantasy Concept嘅價錢同埋package內容比較合適，而且係一條龍服務，就用咗佢哋pre-wedding加big day化妝、禮服、攝影全包嘅服務🤗。

第一次去試衫，我覺得佢哋啲衫嘅款式同顏色都好多🤩。當時，Fantasy Concept佢哋啲同事都好好，唔會催，可以任試。最後pre-wedding同big day，我都各揀咗三條裙同兩套禮服比我先生。本身我先生對禮服都冇咩特別要求，不過經佢哋啲同事介紹過之後，都揀到一啲比較特別嘅款🥰。當日，我哋都試咗成三個幾四個鐘，但佢哋嘅服務態度一直keep住都好好💯！

而我big day同pre-wedding都係同一位化妝師，叫Windy。我pre-wedding嗰次就冇試妝，當日一嚟就即刻化😆。過咗pre-wedding嗰次，因為Windy已經好了解我啲膚質，所以big day前就主要係試髮型為主😊。Windy化出嚟嘅妝我都覺得靚，髮型亦都好滿意，真係100分💕。 而攝影師big day同pre-wedding都係阿聰，佢好識搞氣氛🤗。因為我同老公都唔係好習慣影相，但佢好好🥳，教我哋點擺pose，big day當日亦有教啲姊妹點企影相會靚啲，好專業👏🏻。Big day當日嘅相我就未收到，而pre-wedding嘅相我就覺得佢個風格比較似一幅畫咁，好多時係新人融入個景色，比較少淨係我哋嘅近鏡。因為我哋自己都冇咩特別想要咩風格，所以我覺得佢影出嚟係比我預期中好，出嚟本相簿都靚👍🏻💕！