我喺婚展度比較過其他公司，嗰時已經覺得Fantasy Concept風格上幾啱我😁，同埋多嘢都包咗，性價比比較高好💪🏻。之後上網search過，見佢哋冇咩唔好嘅評價，所以最後就揀咗佢哋pre-wedding嘅服務🥰。

揀衫個過程都覺得佢哋好好，因為我自己冇咩特別諗法，佢哋都比到好多建議我，最後都揀到三件衫❤️。 景點我揀咗山頂、迪茵湖同大帽山，佢哋事前都有同我計劃過行程，又提我可以帶下小道具💪🏻。不過我自己唔想煩，冇帶到小道具，佢哋都準備咗啲比我，例如燈泡仔，都幾細心😍。

拍攝嗰陣佢哋都好nice，我哋一開始未進入狀態，佢哋都會教下我哋點擺pose，又引下我哋笑🤣。 聽好多朋友講影pre-wedding好辛苦，但可能因為攝影同事呀聰好快手，所以我當日又唔覺得太辛苦喎😉。而且佢哋快手得嚟，影出嚟個效果都係我滿意嘅嘢💯。 揀相嗰陣我好多相都好滿意💕，真係揀唔到，所以最後揀咗多過本身個package包嘅相要額外收費。不過唔關佢哋事嘅，係好多相都影得好先咁難揀😆！