我哋喺婚紗展都有聽過唔同公司嘅promotion，但係Fantasy Concept 介紹嘅方式我覺得感覺良好啲。Fantasy Concept職員會介紹晒佢哋嘅package內容，之後會問我哋有啲咩問題，再好耐心咁解答我哋嘅疑問，唔會喺中途不停問我哋有決定未，所以成個過程都好舒服🤩。而且佢哋都有拎唔同嘅相簿俾我哋睇，我哋都幾鍾意Fantasy Concept嘅風格，所以無論係租婚紗、化妝定係拍攝我哋全部都揀咗Fantasy Concept！🎉

租婚紗方面，其實Fantasy Concept都有好多選擇😻！揀每一件都係之前講好嘅價錢，唔會有額外收費。喺我試衫嘅過程中，Fantasy Concept職員都好細心，叫我哋可以試多啲唔同風格嘅款式，因為有啲款着上身之後可能會有唔同嘅感覺，之後仲推薦咗好多款式俾我試，俾咗好多意見我，同時亦唔會限制我試幾多件衫。最後Big Day嗰日我揀咗六套衫，一件裙褂、兩件婚紗、三件晚裝，件件我都好鍾意🥰。

而我Big Day同Prewedding都係同一個化妝師。影Prewedding嗰日係我第一次見化妝師，我都當嗰一次就係試妝㗎啦😂。因為我影相嗰日，化妝師化得好靚，出嚟嘅效果好好，所以我嗰陣時指定咗呢個化妝師幫我Big Day。而喺Big Day嗰日，化妝師無論喺換衫、轉化妝同髮型嘅速度都好快，10分鐘就可以完成一個。我喺換敬酒嗰件衫嘅時候，好快就可以出嚟斟茶，仲可以食到嘢添，好開心，一切都好順利❤️❤️。

至於拍攝方面，Big Day同Prewedding都係攝影師阿聰負責影嘅。阿聰好貼心，一早就開咗個WhatsApp Group俾我哋去提出一啲疑問，而且語氣都好好💯。另外佢嘅拍攝schedule都管理得好好。而且佢唔會話影夠250張就停，反而會盡量幫我哋影多啲，然後再揀啲靚嘅相，真係好專業👍🏻。其中有張相令我印象好深刻，就係我戴頭紗，然後阿聰好遠咁影過嚟，影出嚟效果好靚😻。最後，我哋揀咗嗰張做我哋Big Day Welcome Board嘅相。除咗拍攝，佢哋嘅剪輯都好好，因為佢哋嘅拍攝好配合我哋早拍晚播嗰首歌🎵（鍾嘉欣-我結婚了），例如當中歌詞講話媽媽幫個女着裙褂，去到嗰首歌嘅嗰個位，畫面都剛剛好係嗰一幕，好感動！💕