我喺婚展搵攝影公司，之後覺得Fantasy Concept嘅sales比較老實👏🏻，如果佢哋真係做唔到嘅位，會解釋返比我知點解唔得，唔會sale咗先算👍🏻。我第一日行婚展無即刻join佢哋，返去考慮咗一輪，第二日先再去搵返Fantasy Concept，揀咗佢哋pre-wedding租衫、化妝、攝影連埋花車嘅一條龍服務😚。

我哋揀咗三個景點同埋三套衫去影pre-wedding，包括兩套婚紗同一套晚裝，每一個景點會轉一個造型。試衫嗰陣，員工Irene好專業❤️，佢會話我知我個身型適合著咩衫，又會了解我去邊度影相先📸，再推介我揀咩衫會比較適合🎉。佢哋啲裙都好多款式，同埋都比較新淨😚，我都好快揀到自已鍾意嘅款。我睇過其他公司啲裙可能會比較黃，或者一啲拖尾款式又要另外加錢，不過Fantasy Concept就唔會，明碼實價💯。

我嘅化妝師叫Kathy🤗。我喺影pre-wedding當日先第一次見到佢，不過事前我都有搵啲reference比佢，佢會比好多意見我，同埋佢會喺個group比溫馨提示我😘，例如前一日洗頭唔好落護髮素，先可以令當日個頭髮hold比較得耐。Kathy化嘅妝同Set頭都靚👍🏻，佢朝早用咗兩個鐘頭幫我化妝整頭，好專業💕，效果好靚。佢仲幫我揀咗好多頭飾同耳環帶去外影，每去到一個景點都會幫我轉妝同轉髮型頭飾，真係好細心🥰。

其實，我同我先生都唔係好識影相，之後攝影師阿聰叫我哋擺pose舒服就得，佢會自己再幫我哋微調👍🏻。佢個人都幾幽默搞笑，所以令成個拍攝氣氛都好好🤗。雖然啲相未出嚟，不過阿聰話啲相一個月內會有，都算快👏🏻。佢有喺個Mon到比過啲相比我哋睇，好多我都好鐘意😆。另外，我哋自己都有帶啲道具去影，佢哋又都好OK，所以整體都滿意🥰！