Ocean Wedding Service
4.4

客戶評語

cathlau1124
5
精選評語
服務 / 婚宴日期: 2022.12.07
喺婚展,職員Amo同我哋介紹得好詳細同表現友善,我哋又覺得package價錢合適同透明度高,所以揀咗OceanWedding🤗。 之後,我哋上去試衫之前,為咗慳大家時間,我都有預先同佢哋講我想要咩色、咩款,甚至有send定啲心儀嘅款式俾佢哋,佢哋都有預先揀好一啲俾我試。而且佢哋都會根據我嘅膚色俾意...

喺婚展,職員Amo同我哋介紹得好詳細同表現友善,我哋又覺得package價錢合適同透明度高,所以揀咗Ocean Wedding🤗。

之後,我哋上去試衫之前,為咗慳大家時間,我都有預先同佢哋講我想要咩色、咩款,甚至有send定啲心儀嘅款式俾佢哋,佢哋都有預先揀好一啲俾我試。而且佢哋都會根據我嘅膚色俾意見,有求必應👍🏻。仲有,佢哋會好細心提醒我好多嘢😍,例如提我要帶nubra上去試衫,佢哋又會同我講pre wedding當日有final fit 如有需要可以修改,所以佢哋攞咗唔同款嘅衫俾我試咗先。而且我哋係會多出外景,佢哋都會建議我唔好揀咁多蓬鬆嘅裙着,上身會比較辛苦,會喺我哋嘅角度考慮我哋嘅需要🤗。Ocean Wedding嘅職員都好Nice,我第一次去試裙嘅時候唔小心遲咗,搞到佢哋遲咗15-20分鐘先收工,佢哋都好樂意服務我哋🙏🏻。

無論係化妝定係攝影嘅過程我都覺得好開心同滿意😻。化妝師Carol好爽快,我send咗三款想set嘅髮型俾佢,佢好快話OK💕。影相當日佢都好識變通,有一款頭係冇set到出嚟嘅,佢係即時design咗另外一個頭,方便我改造型,為咗同我慳多啲時間影相👍🏻。同埋佢都會比好多造型上嘅專業意見我。而攝影師Hero真係大師級💯,風趣得來又和藹可親,對我嘅要求有求必應。我哋嗰陣時去咗東壩影,我話想跑住步、跳起影,想調皮一啲🤣,佢都全部say yes!我哋想做嘅姿勢,佢都會配合我哋影。而且佢真係好幽默,會成日講笑引我哋笑到咔咔聲,話:「要再型啲嘅、chill啲嘅......」😂。休息嘅時候,我哋喺度自拍,Hero都幫我哋用手機影返幾張相🥰。影完返到去studio嘅時候,Carol仲幫我補妝話,幫我再影多幾張相🤣,然後再send俾我。

Ocean Wedding俾我嘅感覺真係好專業同埋好有heart,佢哋每一位真係好好❤️❤️!