由於之前參加婚展活動，資料有介紹到陳佩玉律師同有優惠券，感覺唔錯🥳。之後我就約時間上去陳佩玉律師嘅律師樓。當時上到去，接待我哋嘅係陳佩玉律師嘅員工，佢幫我哋整理文件。佢都好熱情😻，準備得好充足，講解得好詳細，所以提交文件嘅成個過程都好順利💕。不過由於陳律師好忙，上律師樓嘅時候咁啱佢要出庭，所以婚禮嗰日我哋係第一次見佢😊。

婚禮當日，我哋感受到陳律師係一個仔細嘅人❤️。由於午宴嗰日我哋嘅行程都好趕，而陳律師五點幾嗰陣都會有另外一場證婚要趕，所以同律師樓嘅員工溝通嘅時候都講證婚要好準時三點開始。開頭我哋以為陳律師早盡都只會早15分鐘左右到，但原來陳律師早咗好多到，跟住就開始攞啲文件出嚟同我哋一句一句講應該點做🤩，佢真係好好，甚至戴戒指嗰啲流程，佢都會同我哋講得一清二楚，十分詳細😚。我覺得佢好有證婚經驗，同埋好detail，所以當日成個證婚過程都好順利👍🏻。