之前喺網上見到Siu Ming Photo影啲相都幾靚😍，係我鍾意嘅效果，之後就同佢哋了解Package，最後就join咗佢哋影pre-wedding。影完 pre-wedding之後，我覺得好滿意之後再join埋佢哋big day拍攝👍🏻。我哋一開始揀Siu Ming Photo影pre-wedding除咗覺得相好靚，另一個原因係佢哋嘅package可以全包，包括禮服同化妝，好方便，唔需要我再去揀其他公司😂。

當日影pre-wedding時嘅團隊有三個人。我哋去咗山頂、鶴咀同石澳影外影，當日仲會車安排接送我哋去唔同嘅外影地點，咁樣真係可以節省好多時間👍🏻。化妝師當日化嘅妝容同Set頭，我都好滿意🤗。而當我啲頭髮俾風吹起咗，化妝師都會好細心咁幫我整返靚，佢又會教我點樣可以笑得更甜美。我覺得佢哋成team service都好好，好細緻🥰。而攝影師Siu Ming真係好專業，又好細心。我哋唔識擺pose，佢都會教我哋要點擺，唔洗我哋擔心，又會不時提點我哋邊個角度影得靚，俾唔同意見我哋。我哋都感受到Siu Ming佢對影出嚟嘅作品係有要求，所以我哋對佢都好有信心💯。

我哋感受到Siu Ming嘅熱誠同專業之後，所以決定big day嘅拍攝都交俾佢，因為我對佢影出嚟嘅作品好有信心❤️。Big day當日雖然我哋自己有planner，但Siu Ming都好好，除咗會幫手睇住時間，亦都有俾唔同嘅意見，又好配合到我哋成個流程，所以婚禮當日所有嘢都進行得好順利，氣氛都好好👍。