有朋友之前用過Miss Suki Wedding嘅服務所以推薦俾我，之後我上網睇佢嘅價錢💰都OK抵，曾經都有擔心過佢價錢咁抵會唔會有啲伏，但正正因為有朋友用過，所以對Miss Suki Wedding都幾有信心😙。加上，我親眼見過我朋友結婚當日妝容都好靚，係我都鍾意嘅風格。我一開始用WhatsApp同佢哋聯絡，Miss Suki Wedding回覆每次都好快又清晰👍🏻，會清楚講解埋每一項嘅收費，而且我好鍾意佢嘅網頁可以俾我睇到每個item嘅價錢，價格透明。不過我始終都有啲擔心化妝style係咪真係啱自己，所以影pre-wedding就當係試妝先💄，如果OK 先打算join埋佢big day。

喺同化妝師Suki溝通過程中，我覺得Suki好nice，同佢都好啱傾，各方面都好夾🥳。喺拍攝前，Suki都有問我想要咩效果。我就同佢講我想化到對眼有神啲，而且要左右對稱，同埋一定要遮好我黑眼圈同眼袋嘅問題🤣，同埋我鍾意偏自然一啲嘅style，而佢都滿足到我以上嘅所有要求。最後，Suki幫我化嘅妝同埋set嘅頭我都好鍾意🥰，令我好放心咁將big day都交埋俾佢。我覺得佢化到我唔使P圖都已經好靚，現實睇成個妝容係好貼服，我真係好滿意，一試就好OK曬😆，所以我join埋佢big day一條龍服務。

到試衫嗰陣都係好輕鬆嘅，staff又唔會俾壓力我，😌亦都冇隱藏收費。禮服嘅款式好match到我嘅風格，令我好快揀到想要嘅款。Big day當日嘅化妝同拍攝我都好滿意，我好enjoy其中，原本我都有啲緊張，但佢哋會一直同我有傾有講，分散我嘅緊張，又會同我講吓rundown，成個過程嘅氣氛都好輕鬆同舒服💕。而且Suki幫我換妝換得好快，每次嘅效果我都好滿意😘。佢每次化完妝都幫我用手機影低，等我可以睇到個效果先，真係好貼心。之後，我嘅姊妹都有問返我，我係搵邊個化妝師，因為佢遲啲結婚都會想搵Suki幫手🤪。