之前有朋友用過Siu Ming Photo嘅服務，佢話團隊好專業同埋影得好好😍。我睇過佢哋嘅相之後覺得同我自己鍾意嘅嘢係好相近🤩。 無論係影人像、打燈同拿捏角度呢幾方面，Siu Ming Photo都做得好好，所以就揀咗佢哋🥳！

我將Pre wedding同 big day都交咗俾Siu Ming Photo！佢哋覆message 方面都好快同埋態度都好好😝。上去傾細節嗰時已經見到studio嘅環境係好靚，佢哋嘅同事好有禮貌，都俾到好多意見我哋，又解答到我哋一啲疑慮。佢哋仲會俾時間我哋考慮，所以成個過程都好舒服💕！

我哋室內同室外都有影，同埋佢哋都俾我哋帶埋貓貓嚟影相🐱！外景我哋揀咗影星空同埋去石澳。攝影師Siu Ming打燈好叻，所以就算係夜晚都影得好靚同有夢幻嘅感覺❤️。 因為團隊都好有經驗，所以我哋揀場地嗰陣，佢哋都有俾意見😙。影嗰陣都會有啲休息時間，唔會太過chur我哋，同埋佢哋都安排得好好，揀嘅時間都唔會好曬，所以我哋覺得好舒服！

團隊之間都幾有默契，講一句就知道各自要做啲咩😗。化妝師Sarah 都好有經驗， 我好滿意佢化嘅妝，真係好自然😍，而且過程中都有幫我睇吓造型有冇亂！ Big day 佢哋都handle得好好， 佢都會幫我哋影下啲特寫。我哋好鍾意團隊拍嗰條片，就算得咁短時間，但係佢哋都做得好好，真係好有效率💝！ 佢哋仲會拍下花絮，剪接方面又會有啲感動嘅位同埋有趣啲嘅shot，令到個氣氛都會幾好😋。Big Day嗰日喺尖沙咀海旁都有影吓相，佢哋好快咁搵到一個冇乜人嘅位同我哋影相😆。有一樣嘢好驚喜係竟然喺草叢到都可以影到一啲好靚嘅相，所以我真係好欣賞佢哋💓！

影出嚟都係好符合我想要嘅效果，而且佢哋捕捉到一啲好靚嘅時刻🤩。我真係好滿意啲相，未執之前已經好靚💘！先生對佢哋都好滿意！有啲朋友睇完條片同啲相，都問我哋係邊個攝影師負責影同拍！如果我有朋友結婚，我都會介紹Siu Ming Photo俾佢， 佢哋真係好細心同好專業🥳！