我比較咗幾間之後，覺得Fantasy Concept嘅風格比較自然同真實🥰，望落去都冇咁死板。我好怕一啲好假嘅相，覺得好唔似自己。第一次見面嘅時候我覺得同事同攝影師阿聰都好健談，所以都同佢哋傾咗好耐計❣️，成個氣氛都好舒服。 阿聰都會搞下氣氛，令我哋都會輕鬆啲😚。

我覺得佢哋婚紗嘅某啲cutting可能唔夠多，但試身空間嘅格數都好多，有兩至三間，空間都係好寬敞👍。我哋揀咗影外景，去咗軍人墳場、纜車站同西九。團隊會聽咗我哋嘅意見，再俾啲idea同建議我哋去揀景點😆，睇得出Fantasy Concept都好有經驗同細心，嗰日我哋仲帶咗公仔一齊影相！

我覺得化妝師唔算好勤補妝，同埋有時陽光太猛，所以令到我有啲相變咗大細眼，我都有同攝影師講返，睇吓執唔執到😝！ 第一次影嘅時候落大雨，好彩佢哋都好快比到檔期我哋再影過，最後都冇收貴我哋好多。所以Fantasy Concept真係好好，都有一直幫我跟進個情況，我嚟緊Big Day都想搵返佢哋嘅團隊！❤️❤️