我上BESPOKE到睇過評語，評語都幾好同真實， 服務態度都好好。睇過佢哋啲相覺得幾適合自己風格😆，而且Siu Ming對攝影都好有執着，所以佢好有熱誠，都好放心交比佢哋💖。我覺得佢哋每一輯相都係特別，會有唔同嘅感覺，唔會好似倒模咁🥳。 佢哋俾嘅意見好中肯， 唔會講啲做唔到嘅嘢，有啲咩問題佢哋都會解答到。佢都好願意幫我睇吓Big Day嘅rundown，以佢哋嘅經驗去俾意見我哋😝。

攝影師Siu Ming好專業！雖然團隊已經好熟酒店個場地，但Big Day當日仲特登早咗半個鐘嚟睇一睇個場，睇吓邊啲角度同光線影相會靚啲💯。 因為我想逐個逐個賓客一齊影相。佢哋唔會怕影好耐，反而好有耐性，仲會叫我哋試吓唔同pose🥹。 因為團隊份人本身都係比較fun， 同我哋都相處得好融洽，一啲都唔會覺得緊張🥰。播片嗰陣因為酒店嘅職員唔係好識整個投影機，所以條片出到嚟有啲色差， Siu Ming自己去咗整個投影機！如果Siu Ming同職員夾一夾，就可以順利地播一條好靚嘅片出嚟， 有色差真係會好可惜， 因為咁樣淨係會得我哋知道佢拍得有幾好 ！之後去酒店出面影相，就算迎住光，佢哋都堅持等到個光線真係啱先影，所以團隊對於攝影真係好有追求💕。

成個流程都好順利， 同佢哋都好夾，好似朋友咁相處😚！佢哋拍嗰條片超級好， 剪得好感動，有曬最重要嘅moment🥰。當日嘅相同埋片都係超水準，我哋都非常滿意❤️。佢影嘅相好靚，華麗得嚟，唔係後期執出嚟🤩！我只係講過一次想影啲chok小小嘅相，佢都知道我想要啲咩😝，有陣時會叫我呢張chok下唔好笑🤣。雖然嗰日好攰，影咗好耐，但係佢哋都唔會唔耐煩，我真係好欣賞佢哋嘅追求同執着😍。