我覺得天澄閣嘅會場夠大， 可以容納到多啲賓客💕。而且佢哋同事嘅態度好友善，所以揀咗佢哋😚。 佢哋都好主動咁幫我哋解決一啲問題😆，回覆訊息嘅速度都幾快。如果我有其他服務想搵公司幫手，例如一啲佈置公司同埋Photo Booth， 佢哋都會介紹俾我哋，咁我哋就唔洗上網逐間逐間去搵💯。

天澄閣嘅Terry係一個好有經驗嘅同事，佢會好快咁回應我哋嘅查詢，係一啲細節位上面都比到意見我哋🥰。 當晚天澄閣嘅食物質素都幾好。而且嗰日都有一個同事負責跟住我哋，會照顧一啲細節位🥳，例如會幫我整理下裙尾，幫我哋隻杯加飲管，咁就唔會整花個妝🥰。 嗰日嘅流程大致上都幾順利😝！