La'More嘅婚紗同做緊嘅優惠都好吸引，所以揀咗佢哋💕。而且佢哋好熱情，有啲咩問題佢哋都會解答到😝。 因為疫情關係，我哋推遲咗婚禮，但係佢哋都依然企喺客人嘅角度去諗， 盡力幫我哋減低損失，而且都冇加價，令到我哋個心舒服啲。La'More好有耐心，雖然好多新人試衫，但佢哋都唔會催我❣️。我哋等得耐，佢哋又會同我哋講唔好意思。我哋都明白好多新人疫情之後都會結婚，所以都好理解😙。

La'More話雖然佢哋唔係連鎖店，但一定會盡力俾最好嘅體驗客人， 睇得出佢哋都好有熱誠🔥。婚紗同晚裝都好多款式，輕身同重身嘅婚紗都有，而且佢哋一直都有入新款👍。喺揀婚紗嗰陣，佢哋拎啲我有興趣嘅款出嚟俾我試，試完之後如果我唔係咁鍾意，就會問吓我嘅意見🥰。同事都會俾啲意見我，睇吓我適合邊一類型😆。我中間都轉咗款，而且唔洗額外加錢🥹。Big Day嗰日都有朋友話我套婚紗好靚💖。

因為我哋都冇乜鏡頭感，所以有啲生硬😖，攝影師肥仔成日都講啲笑話俾我哋聽，帶動下個氣氛，令我哋笑吓😝。 因為當日嘅行程好緊湊， 我哋又擔心會出錯，La'More都有安慰我哋，同埋攝影師真係安排得好好💯。我同同事提過我想要真實同溫馨啲嘅相，最後出嚟嘅相做到我哋嘅要求之餘，又有曬我哋想記錄嘅moment💕。早拍晚播條片我都睇咗好多次，有好多感動嘅位🥳。La'More做嘢好快手，我完全冇催過，但係第二日就俾到相我🤪！

Big Day前幾日我有個姊妹突然話唔做，最後我就搵咗其他朋友做姊妹，但佢哋唔識聽廣東話，攝影團隊都好盡力咁同佢地溝通💕。我哋仲去咗尖沙咀1881嗰到影，影出嚟都幾靚❤️，呢樣係完全冇預計過！ La'More團隊一直叫我哋信任佢哋， 成個服務同過程我哋都好滿意，同埋真係好開心😆！